Pirekuecha engajtsïni jarhuatajka andarhierani Tata Diosïni

Músika ambakiti regalu máesti Tata Diosï Jeobaeri. Jarhuatasïndijtsïni parachi ambakiti ambe eratseni jarhani, sésichi pʼikuarherani ka tsípinchi jarhani. Ka ísïminduchisï pʼikuarherajka engachi kurhauajka juchaari pirekuechani engaksï JW Broadcasting® jimbo jaka. I pirekuechajtsïni jarhuatasïndi parachi sánderu andarhierani Tata Diosï Jeobani.

Uéxurhini 2014 jimbo uératini, jukari 70 pirekuechaksï únhastia ka máechakua inde pirekuecheri jukari 500 idiomecha jimbo jarhasti. Jamberijtsï chá kurhamarhikuarhijka: “¿Nénaksï únhasïni i pirekuecha? ¿Ka né uaantasïni?”.

Ambe enga xáni úkuarhijka

Inde pirekuecha engaksï JW Broadcasting jimbo jaka ka máteruecha uaasïndiksï Grupu enga Kústakueri ambe exejka ka enga Audiu ka Bideu jingoni ánchikuarhijka, joperu ístu indeni erachiicha jingoni ánchikuarhisïndi Grupu enga Jorhentperakueri ambe exejka. Grupu enga Kústakueri ambe exejka 13 erachiicha ka pirenchichaksï jarhasti engaksï exejka na engaksï ánchikuarhiaka, na engaksï úntaaka pirekuani, nákiksï kústakua ambe úraa ka máteru ambe enga xáni uétarhiaka. Ístu Grupu enga Jorhentperakueri ambe exejka sésikua íntspisti parakaksï interu parhakpinirhu anapu erachiicha jarhuajpeaka iauani jatini uératini paraka úkuarhiaka i ánchikuarhita ka máru i erachiicha uaantasïndiksï pirekuechani, máruksï kústasïndi ka máteruechaksï piresïndi. I erachiichaksï kaxumbitiisti, jimbokaksï sési úrasïnga ambe engaksï jorhenaka úni ka nóksï uékasïndi eskaksï máteruecha kʼéri ambe exeauaka.

¿Nénaksï únhantasïni pirekuecha? Orheta, Grupu enga Jorhentperakueri ambe exejka, exesïndi náki Bibliarhu anapu karakateechanksï úraua para inde pirekuecha ka ambeksï uékasïni eskaksï erachiicha pʼikuarheraaka. Tátsekua, Grupu enga Kústakueri ambe exejka, exesïndi né úntaa kústakuani ka ístu né karaa ambe enga pirekuarhu uandaaka. Orhetaksï úsïndia ma grabasioni ka Grupu enga Jorhentperakueri ambe exejka, exesïndi indeni pirekuani ka arhiasïndi ambeksï úpirindi mójtakuni. Tátsekua, Grupu enga Kústakueri ambe exejka mójtakusïndi ambe enga xáni uétarhiaka ka últimuksï grabarisïndia na enga pakaraka pirekua. Íksï pirekuecha no májku lugari jimbo grabarinhasïndi, pori ejemplu, ménisïksï Beteli ma jimbo grabarinhasïndi o erachiicheeri kʼumanchikuechani jimbo.

Paraksï uaantani ka grabariuani ini pirekuechani, erachiichaksï mámaru jásï programechani úrasïndi komputadorarhu uératini. Ístu uétarhisïndi mámaru jásï kústakua ambe, aparatuecha engaksï újka eska mámaru jásï sonidu uéraaka, ka ístu aparatuecha para uinhachatakuni o chketakuni soniduni, bosinecha ka mikrofonuecha. Ma mikrofonu sánisï jukaparhasïndi ma 100 ka 1,000 dólarisï o sánderu. Uéxurhini 2020 jimbo xáni úrakuarhesti 116,000 dólari para iámindu ambe piáni enga xáni uétarhijka para pirekuani ma grabarini.

¿Ambeksï úsïni erachiicha paraka no xáni sentabu úrakuarheaka? Parakaksï Beteli no xáni uánikua erachiicha ánchikuarhini jauaka indeni Grupu Kústakueri jingoni, arhiasïndiksï imani erachiichani engaksï iauani uératini jarhuajpejka eskaksï jarhuajpeaka indeni ánchikuarhitani jingoni. Ístu, paraksï nóteru májku kʼéri grabarinia orkesta ma, erachiichaksï komputadora úrasïndi paraka mámaru jásï kústakua kurhaakuarhiaka.

“I pirekuecha jarhuatasïndirini parani sánderuni mintsikani Tata Diosïni”

¡Erachiichaksï kánikua tsitisïnga kurhauani pirekuechani! Pori ejemplu, Tara, enga Alemania anapueka, uandasïndi: “Méni engani uandanhiani jarhajka inde pirekuechajtsïni sési pʼikuastantasïndi. Engani juchiiti idioma jimbo kurhauajka, ísï pʼikuarherasïnga enajkirini Tata Diosï Jeoba kamanharhijki”. Dimitri, enga Kazajistán irekaka, aiangusïndijtsïni: “Kánikua tsitisïnga kurhauani ini pirekuechani ka no uandanhiani jarhasïnga ambe engaksï arhijka, jimbokani míteska eska iámindu ambe terukuntasïnga Biblia jingoni. Sánderu sési, i pirekuechajtsïni jarhuatasïndi parani ji sánderuni sési pájperani Tata Diosï Jeoba jingoni”.

Delia, enga Sudáfrica anapueka, aiangusïndijtsïni na enga pʼikuarherajka ini pirekuecha jingoni: “I pirekuecha jarhuatasïndirini parani sánderuni mintsikani Tata Diosïni. Engani komu pʼikuarherani jarhajka o uandanhiani jarhani méntkisï jarhasïndi pirekua ma engareni kánikua jarhuatajka. Méni kánikua sési pʼikuarherantasïnga engani solu kústakuani kurhajka”.

Uánikua erachicha kánikuaksï tsitiasïndi máru ini pirekuechani. Lerato enga ístu Sudáfrica anapueka, aiangusïndijtsïni: “Ari pirekuecha Nóteru ióni kuerataxapti ka Jimbanhi parhakpini ma úsïndi eskani ji eranhaskaaka jiáni enga mama tsíntaaka. Méni engani kurhauajka, exesïnga mamani uiriapuni jarhani parareni kamanharhini”.

Pirekua ma jarhasti enga kánikua jarhuataka Sri Lanka anapu uátsïni ma. Imajtsïni aiangusïndi: “Maestra engajtsïni siensieri ambe arhirajka iáminduechani japarini kánikuarini no sési arhispti jimbokani Jeobaeri testigueska. Ji kánikua chéspka, no jánhaskaspka ambe arhini. Engani na niántapka juchiniu, mamarini arhispti eskani kurhapiringa pirekuani Fuerte tú serás. I pirekua jarhuatasptireni exeni eskani jatsispka parani inbestigarini ka listu jarhani parani mókukuntani. Ísï pauandikua uandontskuarhespka juchiiti maestra jingoni, imarini kurhajchaspti ka arhisptirini eskarini iásï sánderu sési kurhanguchesïreengia ambe engani jakajkujka. Diosmaiamukua arhisïnga Tata Diosï Jeobaeri kúnguarhikuani enga uaajka xáni sési járhati pirekuechani”.

¿Ka nani uérasïni inde sentabu paraksï ini pirekuechani uaani? Indeni sentabu jingoni engajtsï chá íntspijka para ánchikuarhita enga interu parhakpinirhu úkuarhijka ka engajtsï ísï újka úraparini ísï eska na uandajka donate.jw.org. Kánikua diosmaiamu je jimbokajtsï tsípikua jingoni íntspisïnga.