PIREKUA 95
Lusi ma kánikua tʼíntskaxati
(Proverbios 4:18)
1. Ióntki anapu profetechaksï mítetixapti
eska janopiringa ma Mesiasi
parachi jucha niárani pʼímutantskateni,
ka únchi ambakiti ambe intsïnhani.
Jurhiatikua janosti, iásï Jesusi reistia;
iáminduechachi úsïnga exeni.
Xáni sésika jorhenguarhini iásï íri ambe.
¡Astaksï ánjilicha úsïndi exeni!
(KORU)
Juchachi nóteru pápkandu jarhaskia,
lusi ma kánikua tʼíntskaxati.
Uánikua ambechi úsïnga kurhanguni,
Jeobajtsïni jorhendaxati.
2. Iásï, Jesusi erakuasti erachichani máru,
imajtsïni jorhendani jarhasïndi.
Lusi ma kánikua meremerexexati,
juchachi nóteru pápkandu jarhaskia.
Uánikua ambechi úsïnga kurhangunia iásï,
Jeobajtsïni jorhendaxati.
¡Jeobanchi grasiasi íntskuntasïnga engajtsïni
jurhimbikua ambe jorhendajka iásï!
(KORU)
Juchachi nóteru pápkandu jarhaskia,
lusi ma kánikua tʼíntskaxati.
Uánikua ambechi úsïnga kurhanguni,
Jeobajtsïni jorhendaxati.
(Ístu exe je Rom. 8:22; 1 Kor. 2:10; 1 Ped. 1:12).