PIREKUA 108
Jeobaeri ambakiti uékperakua
(Isaías 55:1-3)
1. Tata Diosï uékpitisti,
imajtsïni kánikua xénchasïndi.
Imeri Uájpani axasti ixú
para uarhini juchantsïni jimbo.
Ísï jimbo, jucha uáka jatsini
tsípikua enga jindeka para méntkisï.
(KORU)
¡Engajtsï kʼarhichani jaka,
Jeobaksïni itsïmataati!
Ju je parajtsï úni exeni
na enga xáni uékpijka Jeoba.
2. Tata Diosï uékpitisti
xáni enga sési kámpijka Jeoba.
Imeri Uájpani Juramuti ústi,
xáni engajtsïni xénchajka Jeoba.
Ambe enga xáni aiatspika Jeoba
niáraati ísï úkuarhini ixú.
(KORU)
¡Engajtsï kʼarhichani jaka,
Jeobaksïni itsïmataati!
Ju je parajtsï úni exeni
na enga xáni uékpijka Jeoba.
3. Tata Diosï uékpitisti,
ima kánikua pʼamojpitisti.
Ju je májkueni úni eska Jeoba.
Ju je aianhpini imeri ambe.
Imecha engaksï kaxumbitiika,
uátiksï mítini Tata Jeobani.
(KORU)
¡Engajtsï kʼarhichani jaka,
Jeobaksïni itsïmataati!
Ju je parajtsï úni exeni
na enga xáni uékpijka Jeoba.
(Ístu exe je Sal. 33:5; 57:10; Efes. 1:7).