PIREKUA 10
¡Ju je Jeobani kʼéri ambe arhini!
(Salmo 145:12)
1. ¡Ju je iásï kʼéri ambe arhini
imani enga auandarhu jaka!
Ju je iásï uandantani nirani
eska imeri jurhiatikua janoakia.
Ka ju je uandantani eska Tata Diosï
imeri Uájpani erakuskia.
Jurhimbikua jingoni juramuni jauati
ka juchachi sési irekaakia.
(KORU)
¡Ju Jeobani kʼéri ambe arhini!
¡Ju uandantani né jindeski Jeoba!
2. ¡Ju Jeobani kʼéri ambe arhini,
iáminduksï jatsisti para kurhaani!
Tata Diosï, Jeoba arhinhasïndi,
ka no nema ísïsti eska ima.
Nájkiruka Jeoba xáni uinhapitika
ima kánikua kaxumbitisti.
Pʼamojkusïndijtsïni engachi jucha
kómarhijka parajtsïni jarhuani.
(KORU)
¡Ju Jeobani kʼéri ambe arhini!
¡Ju uandantani né jindeski Jeoba!
(Ístu exe je Sal. 89:27; 105:1; Jer. 33:11).