Kurhamarhikuechani úraani

Mateu 16:13-16

RESUMENI: Uá je kurhamarhikuechani para eskaksï kʼuiripuecha interesi jatsiaka kurhaani ka eskaksï ísï seguiriuaka, parajtsï eratsitarantaani ka parajtsï xarhataani puntuechani engaksï jukaparhakueka, peru respetu jingoni.

NÉNA ÚNI

• Ú je eskaksï k’uiripuecha interesi jatsiaka ka eskaksï ísï seguiriuaka. Uá je kurhamarhikuechani enga kʼuiripuechani eratsitarantauaka ambe máeri engajtsï uandani jaka o eskaksï uékaaka mítini nákiski mókuntskua.

• Eratsitarantaa je temeri ma. Jarhuataa je kʼuiripuechani sési kurhanguni temeri ma, kurhamarhikuechani máru úpariani enga uáka eskaksï imecha jandiajku kurhanguaka andisï jukaparhakue ima eratsikua.

• Xarhataa je puntuechani engaksï jukaparhakueka. Ante dejtsï uandani puntu ma enga jukaparhakueka, kurhamarhikua ma ú je enga uáka eskaksï kʼuiripuecha uékani jauakia mítini. Ísï tátsekua engajtsï uandaakia puntu ma enga jukaparhakueka o ante dejtsï kʼamarani, úraa je kurhamarhikuechani para miántani ambe ma.