¿Listu jarhaskia?
¿Listu jarhaskia parani aianhpini kúnguarhikua jingoni?
Chájtsï uaakia listu jarhani parajtsï uénani aianhpini engajtsï...
... pʼindeka pauani pauani arhintani Bibliani, kómarhini ka no kueratani tánguarhikuecharhu.
... jakajkujka ka jukaparharani ambe engajtsï jorhenguarhini jaka ka engajtsï uékani jakaia aianguani máteruechani.
... xénchajka Jeobani ka engajtsï imani amiguechani jatsiaka engaksï ístu xénchajka Jeobani.
... nóteru jakaia relijioni no jurhimbiti ma jimbo o kúnguarhikua ma jimbo enga apoiarijka politikeri ambe.
... kurhajchaajka Tata Diosïri juramukuechani ka uékantsï Jeobaeri testigueni.
Engajtsï exejka eskajtsï listu jarhaskia parajtsï uénani aianhpini kúnguarhikua jingoni, ima engaksïni jorhendani jaka Bibliaeri ambe aianguauati orhejtsïkutichani, ka imaksï tánguarhiati chánksïni jingoni paraksï exeni aberi si engajtsï listu jakaia.
¿Listu jarhaskia parani itsï atakuarhini?
Chájtsï uaakia listu jarhani parajtsï itsï atakuarhini engajtsï...
... aianhpiri máekia.
... mándani semana aianhpijka ka na engajtsï xáni uaaka.
... apoiarijka ‘jántspirini enga mintsinharhikueka ka jánhastiini’ ka engajtsï újka ambe enga ima uandajka (Mateu 24:45-47).
... úkia kómarhikua ma parajtsï aiakukuarheni Jeobani ka engajtsï uékajka marhuakuni para méntkisï.
Engajtsï exejka eskajtsï listu jarhaskia parajtsï itsï atakuarhini, ima engaksïni jorhendani jaka Bibliaeri ambe aianguauati orhejtsïkutichani, ka imaksï tánguarhiati chánksïni jingoni paraksï exeni aberi si engajtsï listu jakaia.