Na enga xáni no sési útspijka guerra

“Engari sondaduejka kánikuari no sési ambe exesïnga. Komu na enga engaksï uándikpirajka kʼuiripuecha ka máruksï nóteru májkueni pakarasïndia. Nóri méni agustu irekasïnga ka méntkuri eratseni jarhasïnga eska na uéjki jatini uaaka jupiperanhani” (Gary, Gran Bretaña).

“Pexu ka kanharhikuarhu xarharasïndi nani engajtsïni pʼitareenga baleecha, exeska na engaksï uándikuapka sapiichani ka tʼarhepitiichani. Guerra úsïndi eska ma méntku no sáni pʼamojpeaka” (Wilmar, Colombia).

“Engari exejka na engaksï uándikujka kʼuiripuni ma nóri méni úsïnga mirikurhini. Jimbokari útasï miásïnga na enga kómu arhani jarheenga, uinhachani ka uerani” (Zafirah, Estados Unidos).

“Eratsïspka eskani nóteru méni úpiringia sési irekani. Chésïngari eskaksïni uándikuaka joperuri sánderu chésïnga eskaksï uándikuaka chiiti familiani o amiguechani” (Olexandra, Ucrania).

“Jatsisïreenga para filarhu jarhani a las dosi de la maniana asta a las onse chúrikueri parani tʼirekua intsïnhani. Chékuarisïndi jima jarhani jimbokari míteska eskakeni na uéjki jatini uaaka bala ma pʼitarani” (Daler, Tayikistán).

“Guerra jimbo uarhiranchaaska juchiiti taatiichani. Uerandijupindi pakaraska, ísï jimbo nóterurini nema kuidaripirindia ka ni sési pʼikuastantani” (Marie, Ruanda).