Maani Matiye no
1 Kefder mbaa* Yeso Kris,* ti wer maani Dafid no, ti wer maani Abraham no:
2 Abraham diŋ pan Isag;
Isag diŋ pan Jakob;
Jakob diŋ pan Juda wo de hẽẽre ɓen wo;
3 Juda diŋ pan Peres wo de Sera; man ɓaara diŋ Tamar;
Peres diŋ pan Esrom;
Esrom diŋ pan Ram;
4 Ram diŋ pan Aminadab;
Aminadab diŋ pan Nasoŋ;
Nasoŋ diŋ pan Salmoŋ;
5 Salmoŋ diŋ pan Bowas;
man Bowas diŋ Rahab;
Bowas diŋ pan Obed,
man Obed diŋ Rud;
Obed diŋ pan Jese;
6 Jese diŋ pan waŋ Dafid;
Dafid diŋ pan Salomoŋ;
man Salomoŋ hay diŋ wãy maa Uri;
7 Salomoŋ diŋ pan Robowam;
Robowam diŋ pan Abiya;
Abiya diŋ pan Asa;
8 Asa diŋ pan Jeosafad;
Jeosafad diŋ pan Jeoram;
Jeoram diŋ pan Osiyas;
9 Osiyas diŋ pan Jotam;
Jotam diŋ pan Akas;
Akas diŋ pan Esekiyas;
10 Esekiyas diŋ pan Manase;
Manase diŋ pan Amon;
Amon diŋ pan Josiyas;
11 Josiyas diŋ pan Jekoniyas
wo de hẽẽre ɓen wo no;
à biŋ ra kal maaga à hoo jar jwif wo wo go Babilon mono.
12 Jekoniyas diŋ pan Salatiyel; à biŋ ne blam maaga à raw wo go de Jekoniyas Babilon mono;
Salatiyel diŋ pan Sorobabel;
13 Sorobabel diŋ pan Abiyud;
Abiyud diŋ pan Eliyakim;
Eliyakim diŋ pan Asor;
14 Asor diŋ pan Sadog;
Sadog diŋ pan Akim;
Akim diŋ pan Eliyud;
15 Eliyud diŋ pan Eleyasar;
Eleyasar diŋ pan Matan;
Matan diŋ pan Jakob;
16 Jakob diŋ pan Josef war Mari maaga biŋ Yeso, ga à ɗen ga Kris mono.
17 Tĩĩ le ti Abraham ka’ hãã wo ti Dafid, moorebe joŋ ni 14; tĩĩ le ti Dafid ka’ hãã ti kal maaga à hoo jar jwif wo wo go Babilon, moorebe joŋ ni 14; tĩĩ le ti kal maaga à hoo jar jwif wo wo go Babilon hãã ti Kris, moorebe joŋ ni 14.
18 Yeso Kris biŋ na doo kay nono: de maaga Josef hay go de yãã Mari maa dage ɓe mono, se raw naa nen ɓiili go de nenterse* maa bay ɗagn taŋgu maaga á da wo kããra mono. 19 Amaa werga Josef* hay diŋ jobo maa de deele so mono, se hay bay de sãy mbiɗ sõõre Mari ti yoo ngaɓa wa, se kal ɗiggi ga se men* go bay wããre ti. 20 Blam maaga Josef ɗig ti sen mokay, jee peele Jeofa* naa nen see ɓe ne hẽn nen lwa’ge day wãã ne hẽn ga: “Josef jee ni Dafid no, joŋ hẽẽne maa baa wãy ɓo Mari le liŋ ni ɓo wa, werga á maŋ ɓiili diŋ de nenterse maa bay ɗag no. 21 Á biŋ ge mbarga yaŋ, ni ndo kaŋ ɗúu ɓe ga Yeso,* werga á yãã ge jar yaŋ go jag ɓlagge ɓaara no.” 22 Sen mo deŋ ɓuy a go bag jag wããre maaga Jeofa hay wããn go ne profed ɓen jag ga: 23 “Mãy tiglin maŋ ge ɓiili yaŋ, day biŋ ge weel yaŋ. À ɗen ge yaŋ ga Emanuwele”; wer ɓe ga “Baa yaŋ de naa.”
24 Josef pũy go mokay, joŋ doo maaga jee peele Jeofan hay wãã ne hẽn nono, baa wãy ɓen le liŋ ni ɓe. 25 Amaa á suu de ɓe gà, hãã go ti wur maaga se biŋ weeln go ɗa. Se raw kaŋ ɗúu ɓe ga Yeso.