10 Penepapo wakapanga thebulu la khuni la akasiya.+ Mu utali likaŵa mikono yiŵiri, mu usani mkono umoza, ndipo msinkhu wake mkono umoza na hafu.+ 11 Wakalimata na golide liwemi na kulizingilizga na kamungongonda kagolide. 12 Wakalipangiraso kafuremu, usani wake nga mbusani wa woko* kuzingilizga thebulu lose, ndipo wakapangaso kamungongonda kagolide kuzingilizga kafuremu. 13 Kweniso wakalipangira tuvizingo tunayi twagolide na kuŵika tuvizingo utu mu makona ghanayi umo malundi ghanayi ghakakora. 14 Tuvizingo utu tukaŵa pafupi na kafuremu, ndimo mukanjiranga michiko yakunyamulira thebulu. 15 Wakapangaso michiko yakunyamulira thebulu ya khuni la akasiya, ndipo wakayimata na golide.