4 Kamberere kamoza mupelekenge mulenji, ndipo kamberere kanyake mupelekenge namise para kwazgelera.+ 5 Mupelekere pamoza na sembe ya vyamuminda+ ya ufu uwemi wakukwana chimoza cha vigaŵa 10 vya efa,* wakusazgako mafuta ghakwengeka makora ghakukwana chimoza cha vigaŵa vinayi vya hini.* 6 Iyi ni sembe yakotcha+ ya nyengo zose, iyo yikimikika pa Phiri la Sinayi, kuŵa sembe yakotcha pa moto yakupeleka kwa Yehova ya sungu liwemi.*