3 “‘Usange mwamulutilira kwenda mu malanguro ghane na kusunga malango ghane na kughalondezga,+ 4 namumulokweskerani vula pa nyengo yake.+ Charu chamupambika vyakurya vyake+ ndipo makuni ghamuthondo ghamupambika vipasi vyake. 5 Nyengo yinu yakupwanthira mbuto yamufika mu nyengo yakutondolera mpheska, ndipo nyengo yakutondolera mpheska yamufika mu nyengo yakuseŵera mbuto. Mwamurya chingwa, mwamukhuta na kukhala mwakufwasa mu charu chinu.+