14 Ntheura Chiuta wakati: “Ine* nilutenge nawe+ ndipo namukupumuzga.”+

10 Para mwambuka Yorodani+ na kukhala mu charu icho Yehova Chiuta winu wakumupani kuŵa chinu, iyo wamumupumuzgani ku ŵalwani ŵinu wose awo ŵamumuzingilizgani, ndipo mwamukhala mwakufwasa.+

13 “Kumbukani ivyo Mozesi muteŵeti wa Yehova wakamulangurani imwe kuti:+ ‘Yehova Chiuta winu wakumupani chipumulo ndipo wamupani charu ichi.

23 Ntheura Joshuwa wakapoka charu chose, nga umo Yehova wakalayizgira Mozesi,+ ndipo Joshuwa wakachipeleka kuŵa chiharo kwa Israyeli kuyana na vigaŵa vyawo kuti chigaŵike mu mafuko ghawo.+ Ndipo charu chikapumura ku nkhondo.+

4 Yehova Chiuta winu waŵapumuzga ŵabali ŵinu, nga umo wakaŵalayizgira.+ Sono imwe mungawelera ku mahema ghinu mu charu icho Mozesi, muteŵeti wa Yehova, wakamupani ku sirya* linyake la Yorodani.+