22 Ine nizamuwonekera kwa iwe na kuyowoya nawe kufumira pachanya pa chibenekelero.+ Kufuma pakati pa ŵakerubi ŵaŵiri awo ŵali pa likasa la Ukaboni, nikumanyiskenge vyose vyakuti uphalire Ŵaisrayeli.

4 Ntheura ŵanthu ŵakatuma ŵanji ku Shilo kukatora likasa la phangano la Yehova wa mawumba, uyo wakukhala pachanya* pa ŵakerubi.+ Ŵana ŵaŵiri ŵa Eli, Hofini na Finehasi,+ nawo ŵakaŵa kwenekuko na likasa la phangano la Chiuta waunenesko.

6 Davide na Israyeli yose ŵakakwera ku Baala,+ ku Kiriyati-yerimu, kwa Yuda, kukatora Likasa la Yehova, Chiuta waunenesko, uyo wakukhala pachanya* pa ŵakerubi,+ apo zina lake likuchemeka. 7 Kweni ŵakaŵika Likasa la Chiuta waunenesko mu gileta liphya+ na kufuma nalo mu nyumba ya Abinadabu. Uza na Ahiyo ndiwo ŵakendeskanga gileta.+ 8 Davide na Israyeli yose ŵakasekeleranga chomene pamaso pa Chiuta waunenesko na nkhongono zawo zose. Pakaŵa kwimba sumu, kulizga ŵabango, vyakwimbira vya vingwe, tung’oma,+ makumbalo,*+ na mbata.+ 9 Ŵakati ŵafika pa malo ghakupwanthirapo gha Kidoni, Uza wakanyoloska woko lake na kukora Likasa, pakuti ng’ombe zikaŵa pafupi kuligudubura. 10 Penepapo ukali wa Yehova ukagolera pa Uza, wakamutimba chifukwa wakanyoloskera woko lake pa Likasa,+ ndipo wakafwira pamaso pa Chiuta.+ 11 Kweni Davide wakakwiya chifukwa chakuti ukali wa Yehova ukagolera pa Uza. Ndipo malo ghara ghakuchemeka Perezi-uza* m’paka lero.