27 Davide wakavwara munjilira wambura mawoko wa salu yiwemi, nga umo ŵakavwalira Ŵalevi wose awo ŵakayegha Likasa, ŵakwimba, na Kenaniya uyo wakalaŵiliranga vya kendero na ŵakwimba. Davide wakavwaraso efodi wa salu yiwemi.+ 28 Ŵaisrayeli wose ŵakizanga na likasa la phangano la Yehova uku ŵakusekelera chomene,+ ŵakalizganga veve,* mbata,+ makumbalo, vyakwimbira vya vingwe na ŵabango.+