12 Modekayi wakati waphalirika ivyo Esitere wakayowoya, 13 wakazgora Esitere kuti: “Leka kughanaghana kuti uponenge chifukwa chakuti uli mu nyumba ya themba, kupambana na Ŵayuda ŵanyake wose. 14 Usange ukhalenge chete pa nyengo iyi, Ŵayuda ŵawovwirikenge na kuwombokwa mu nthowa yinyake,+ kweni iwe na nyumba ya awuso muparanyikenge. Wamanya wuli, panyake waŵa na ntchindi zaufumu chifukwa cha nyengo iyi?”+