2 Ŵateŵeti wose ŵa themba awo ŵakaŵa pa chipata cha themba ŵakasindamiranga Hamani, pakuti ndivyo themba likalangura. Kweni Modekayi wakakana kumusindamira. 3 Ntheura ŵateŵeti awo ŵakaŵa pa chipata cha themba ŵakati kwa Modekayi: “Chifukwa wuli ukujumpha dango la themba?” 4 Ŵakayowoyanga nayo zuŵa na zuŵa, kweni iyo wakaŵapulikira yayi. Pamanyuma ŵakaphalira Hamani kuti ŵawone usange ŵamulekenge waka+ Modekayi, pakuti wakaŵaphalira kuti wakaŵa Muyuda.+

5 Hamani wakati wawona kuti Modekayi wakukana kumusindamira, wakakalipa chomene.+