-
Yesaya 11:11, 12Malemba Ghakupatulika mu Mang’anamuliro gha Charu Chiphya
-
-
11 Mu zuŵa ilo, Yehova wazamupelekaso woko lake kachiŵiri kuti watoreso ŵakukhalapo ŵa ŵanthu ŵake awo ŵasidika kufuma ku Asiriya,+ Eguputo,+ Patirosi,+ Kushi,+ Elamu,+ Shinara,* Hamati, na mu virwa vya mu nyanja.+ 12 Wazamuyimika chimanyikwiro pa ŵamitundu na kuwunganya ŵakumbininika ŵa Israyeli.+ Wazamuwunganya pamoza ŵakumbininika ŵa Yuda kufuma ku vigaŵa vinayi vya charu chapasi.+
-
-
Yeremiya 30:10, 11Malemba Ghakupatulika mu Mang’anamuliro gha Charu Chiphya
-
-
10 Yehova wakuti: “Iwe muteŵeti wane Yakhobe, ungopanga yayi,
Ungatenthemanga chara, iwe Israyeli.+
Pakuti nikuponoskenge kufuma kutali,
Mphapu yako kufuma ku charu icho yikatolekera.+
Yakhobe wazamuwelera na kukhala bata kwambura kutimbanizgika,
Palije uyo wazamuŵawofya.”+
11 Yehova wakuti: “Pakuti nili namwe kumuponoskani,
Nizamumulangani mwakwenelera,
Nizamumulekani waka yayi kwambura kulangika.”+
-
-
Ezekiyeli 34:13, 14Malemba Ghakupatulika mu Mang’anamuliro gha Charu Chiphya
-
-
13 Nizamuzifumiska pakati pa ŵanthu na kuziwunjika pamoza kufuma mu vyaru na kwiza nazo mu charu chawo. Nizamuziliska mu mapiri gha Israyeli,+ mumphepete mwa milonga, na mu malo ghose ghakukhalamo ŵanthu mu charu. 14 Nizamuziliska ku malo gha utheka uwemi, zizamurya pa mapiri+ ghatali gha Israyeli. Kwenekura ndiko zizamugona pa malo gha utheka uwemi,+ ndipo zizamurya utheka uwemi pa mapiri gha Israyeli.”
-
-
Amosi 9:14, 15Malemba Ghakupatulika mu Mang’anamuliro gha Charu Chiphya
-
-
14 Ŵanthu ŵane Ŵaisrayeli nizamuŵawezgako ku wuzga,+
Ŵazamuzengaso misumba yakupasuka ndipo ŵazamukhalamo;+
Ŵazamupanda mpheska na kumwa vinyo lawo,+
Ndipo ŵazamulima minda na kurya vipambi vyawo.’+
15 ‘Nizamuŵapanda mu charu chawo,
Ndipo ŵazamuzgulikamoso chara
Mu charu chawo icho naŵapa,’+ ndimo wayowoyera Yehova Chiuta winu.”
-