LAYIBULARE YA PA INTANETI ya Watchtower

Yeremiya 30:9

Malemba Ghakupatulika mu Mang’anamuliro gha Charu Chiphya
- 9 Ŵazamuteŵetera Yehova Chiuta wawo na Davide themba lawo, ilo nizamuŵawuskira.”+

Ezekiyeli 34:23, 24

Malemba Ghakupatulika mu Mang’anamuliro gha Charu Chiphya
- 23 Nizamwimika muliska yumoza pa izo,+ muteŵeti wane Davide,+ iyo wazamuziliska. Wazamuziliska na kuŵa muliska wawo.+ 24 Ine, Yehova, nizamuŵa Chiuta wawo,+ ndipo muteŵeti wane Davide wazamuŵa mulongozgi pakati pawo.+ Ine Yehova nayowoya.

Ezekiyeli 37:24, 25

Malemba Ghakupatulika mu Mang’anamuliro gha Charu Chiphya
- 24 “‘“Muteŵeti wane Davide wazamuŵa themba lawo,+ ndipo wose ŵazamuŵa na muliska yumoza.+ Ŵazamwenda mu vyeruzgo vyane na kusunga makora malango ghane.+ 25 Ŵazamukhala mu charu icho nkhapa muteŵeti wane Yakhobe, umo mukakhalanga ŵasekuru ŵinu.+ Iwo pamoza na ŵana ŵawo na ŵazukuru ŵawo,+ ŵazamukhalamo muyirayira.+ Ndipo Davide muteŵeti wane wazamuŵa mulongozgi* wawo muyirayira.+

Amosi 9:11

Malemba Ghakupatulika mu Mang’anamuliro gha Charu Chiphya
- 11 ‘Pa zuŵa ilo, nizamuwuska chisakasa cha Davide+ icho chikawa,
  Nizamujara vidolozi vyake,
  Na kuzengaso mahami* ghake;
  Nizamuchizengaso nga umo chikaŵira mu mazuŵa ghakale,+

Luka 1:31-33

Malemba Ghakupatulika mu Mang’anamuliro gha Charu Chiphya
- 31 Ndipo wona, uŵenge na nthumbo na kubaba mwana mwanalume.+ Zina lake umuthye Yesu.+ 32 Iyo wazamuŵa mukuru,+ wazamuchemeka Mwana wa Wapachanya Nkhanira.+ Ndipo Yehova* Chiuta wazamumupa chitengo cha* Davide, awiske.+ 33 Wazamuwusa nga ni Themba pa nyumba ya Yakhobe muyirayira, ndipo Ufumu wake uzamumara chara.”+