24 Wonani, ŵanthu ŵimika vibumira vyakulwerapo nkhondo kuti ŵapoke msumba.+ Msumba uwenge nadi mu mawoko gha Ŵakalidi chifukwa cha lupanga,+ njara, na nthenda zakofya.+ Vyose ivyo mukayowoya vyachitika, nga umo mukuwonera sono.

7 Paumaliro chiliŵa cha msumba chikabawulika, ndipo ŵasilikari wose ŵakachimbiramo mu msumba usiku. Ŵakafumira pa chipata icho chikaŵa pakati pa viliŵa viŵiri pafupi na munda wa themba, apo Ŵakalidi ŵakazingilizga msumba. Ŵasilikari ŵara ŵakalazgira ku nthowa ya ku Araba.+