20 Laŵiskani Ziyoni, msumba wa viphikiro vithu!+

24 Mu Yuda na misumba yake yose, ŵanthu ŵazamukhalamo pamoza, ŵalimi na awo ŵakuliska miskambo.+

10 “Yehova wakuti: ‘Mu malo agha, gheneagho mukuti ni mayiyi, ghambura munthu na viŵeto, mu misumba ya Yuda na mu misewu ya Yerusalemu ivyo vyawuwa, kwambura munthu panji wakukhalamo panji viŵeto, muzamupulikikwaso 11 mazgu ghakuzaya, mazgu ghakusekelera,+ mazgu gha mwenenthengwa na mazgu gha mwali, mazgu gha awo ŵakuti: “Wongani Yehova wa mawumba, chifukwa Yehova ni muwemi.+ Lusungu* lwake lukukhalilira muyirayira!”’+

“‘Ŵizenge na sembe za kuwonga mu nyumba ya Yehova,+ pakuti awo ŵakakoleka niŵawezgerenge ku charu ichi, nga umo nkhachitira pakwamba,’ wakuti Yehova.”

4 “Ichi ndicho Yehova wa mawumba wayowoya, ‘Ŵanalume ŵachekuru na ŵanakazi ŵachekuru ŵazamukhalaso mu maluŵaza gha Yerusalemu, waliyose na ndodo yake mu woko lake chifukwa cha uchekuru wake.*+ 5 Mu maluŵaza gha msumba muzamuzura na ŵasepuka na ŵasungwana awo ŵazamuseŵera kwenekura.’”+