LAYIBULARE YA PA INTANETI ya Watchtower

Ezira 9:6, 7

Malemba Ghakupatulika mu Mang’anamuliro gha Charu Chiphya
- 6 Nkhati: “A Chiuta wane, nkhuchita soni kwinuskira chisko chane kwa imwe, mwe Chiuta wane, chifukwa maubudi ghithu ghandana ndipo mulandu withu wafika m’paka kuchanya.+ 7 Mulandu withu waŵa ukuru kwamba mu mazuŵa gha ŵasekuru ŵithu m’paka muhanya uno.+ Ndipo chifukwa cha maubudi ghithu, ise, mathemba ghithu, na ŵasembe ŵithu, tapelekeka mu woko la mathemba gha vyaru, ku lupanga,+ wuzga,+ kupokeka vinthu vithu,+ na ku soni, umo viliri muhanya uno.+

Yesaya 1:16

Malemba Ghakupatulika mu Mang’anamuliro gha Charu Chiphya
- 16 Gezani, muŵe ŵakutowa.+
  Wuskanipo milimo yinu yiheni pamaso pane,
  Lekani kuchita viheni.+

Yesaya 55:7

Malemba Ghakupatulika mu Mang’anamuliro gha Charu Chiphya
- 7 Wakwananga waleke nthowa yake+
  Muheni maghanoghano ghake.
  Wawelere kwa Yehova, ndipo wamuchitirenge lusungu,+
  Kwa Chiuta withu, chifukwa wamugowokerenge chomene.*+

Hoseya 14:1

Malemba Ghakupatulika mu Mang’anamuliro gha Charu Chiphya
- 14 “Welera kwa Yehova Chiuta wako, iwe Israyeli,+
  Pakuti iwe wakhuŵara chifukwa cha kwananga kwako.