46 Ndipo wakati kwa iwo: “Ivi ndivyo vili kulembeka: kuti Khristu wazamusuzgika na kuwuka pakati pa ŵakufwa pa zuŵa lachitatu,+ 47 ndipo mu zina lake, uthenga wakuti ŵanthu ŵang’anamuke mtima kuti zakwananga+ zigowokereke uzamupharazgika ku mitundu yose,+ kwambira mu Yerusalemu.+ 48 Imwe mukwenera kuŵa ŵakaboni ŵa vinthu ivi.+

8 Kweni muzamupokera nkhongono para mzimu utuŵa wiza pa imwe,+ ndipo muzamuŵa ŵakaboni ŵane+ mu Yerusalemu,+ mu Yudeya mose na Samariya,+ na ku vigaŵa vyakutali chomene* vya charu chapasi.”+

32 Chiuta wali kuwuska Yesu uyu ndipo tose tili ŵakaboni pa fundo iyi.+