Ŵakaboni ŵa Yehova Awo Ŵajalirika mu Jele Chifukwa cha Chipulikano Chawo—Kuyana na Malo

Ŵakaboni ŵa Yehova awo ŵajalirika mu jele chifukwa cha chipulikano chawo kufika mu May 2021

Fundo ya nambara 18 ya International Covenant on Civil and Political Rights a yikuti munthu waliyose ni “mwanangwa kuchita vinthu kuyana na maghanoghano ghake, njuŵi na chisopa chake.” Kweni mu vyaru vinyake, Ŵakaboni ŵa Yehova ŵakukanizgika wanangwa uwu ndipo ŵakujalirika mu jele na kutambuzgika uheni chomene. Ŵanandi ŵakujalirika chifukwa chakulondezga ivyo ŵakugomezga. Ŵanyake ŵakujalirika chifukwa chakuti njuŵi yawo yikuŵazomerezga yayi kugwira ntchito zausilikari.