Kasi Muchitenge Khumbo la Yehova?

Tikumuwongani chomene chifukwa cha kuŵazga kabuku aka kuti muŵamanye makora Ŵakaboni ŵa Yehova, na ivyo ŵakuchita. Tili na chigomezgo kuti kamovwirani kuŵamanya makora, kuti ndiwo ŵakuchita khumbo la Yehova mazuŵa ghano. Tikumuchiskani kuti mulutilire kusambira mazgu gha Chiuta na kuphalirako ŵamumbumba yinu na ŵabwezi ŵinu ivyo mukusambira. Kweniso mungalekanga yayi kuwungana.—Ŵahebere 10:23-25.

Para mulutilirenge kusambira vya Yehova, muwonenge kuti wakumutemwani nadi. Ntheura mukhumbenge kuchita chilicose icho mungafiska, kulongora kuti namwe mukumutemwa. (1 Yohane 4:8-10, 19) Kweni kasi mungalongora wuli kuti mukumutemwa nadi Chiuta? Chifukwa wuli ntchakuzirwa kulondezga makhaliro agho Chiuta wakukhumba? Ntchivichi chimovwiraninge kuŵa na mtima wakuti muchite khumbo la Chiuta pamoza na ise? Uyo wakumusambizgani Baibolo wamovwiraninge kuzgora mafumbo agha, kuti imwe na ŵamunyumba yinu “mujisungilire mu chitemwa cha Chiuta, apo mukulindilira . . . kuzakasanga umoyo wamuyirayira.”—Yuda 21.

Tikumuchiskani kuti mulutilire kusambira vya Chiuta mu buku ili “Mujisungilire mu Chitemwa cha Chiuta”