Masacizgo

Kwambiska Masambiro gha Baibolo pa Cisulo Cakwamba mu Seputembala

“Tikudumbiskana na ŵanyithu ivyo vingawovwira mbumba kuti yiŵe yakukondwa. Mazuŵa ghano nthengwa zinandi ni zakuwayawaya. Suzgo ni vici?” [Lindilirani zgoro.] Mulongorani peji laumaliro la Gongwe la Mulinda la Seputembala 1, ndipo dumbiskanani fumbo lakwamba na kuŵazgapo lemba. Mulekerani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Seputembala 1

“Ŵanandi wakupulikiska yayi cifukwa ico Ciuta wazomerezgera kuti tisuzgikenge. Imwe mukuti wuli? [Mulekani wazgore.] Baibolo likulayizga kuti kutengera na vyakuŵinya vizamufumapo. [Ŵazgani Uvumbuzi 21:4.] Magazini iyi yikulongosora vifukwa vinkhondi ivyo paliri masuzgo ghanandi nthena. Yikulongosoraso ivyo Baibolo likuyowoya umo Ciuta wazamumazgira masuzgo agha.”

Galamukani! Seputembala

“Ŵanyake ŵakuti mbuheni yayi ŵanthu kugonana pambere ŵandatorane. Imwe mukuti wuli? Mbuheni panji yayi? [Mulekani wazgore.] Wonani ivyo Baibolo likuyowoya apa. [Ŵazgani 1 Ŵakorinte 6:18.] Magazini iyi yikulongosora umo Ciuta wakuwonera nkhani iyi.” Mulongorani nkhani iyo yili pa peji 4.