IVYO ŴACHINYAMATA ŴAKUFUMBA
Kasi Nkhwenera Kuchita Vichi Pamanyuma pa Kubatizika?—Chigaŵa 1: Lutilirani Kuchita Ivyo Mukachitanga
Vinthu vyakuzirwa, nga ni nyumba panji galimoto, vikukhumbikwa kuvipwelelera. Mwakuyana waka, ubwezi winu na Chiuta mukwenera kuwupwelelera. Kasi muchitenge wuli kuti mulutilire kukhozga ubwezi winu na Chiuta pamanyuma pa kubatizika?
Mu nkhani iyi
Lutilirani kusambira mazgu gha Chiuta
Lemba lakovwira: “[Lutilirani] kupambika vipambi mu mulimo wose uwemi na kulutilira kumumanya makora Chiuta.”—Ŵakolose 1:10.
Ivyo lemba ili likung’anamura: Pamanyuma pa kubatizika, mukwenera kuzakalutilira kuŵazga Baibolo na kughanaghanirapo pa ivyo mwasambira.—Salimo 25:4; 119:97.
Ivyo mukwenera kukhazga: Nyengo zinyake, mungaŵavya khumbo lakuti musambire. Panji mungaghanaghana kuti vyakusambira ivi kwa imwe nkhumazere.
Ivyo mungachita: Sambirani vinandi pa nkhani za mu Baibolo izo zikumukondweskani. Jipangirani ndondomeko yakusambira pamwekha. Para mwachita nthena kusambira Baibolo kweniso mabuku ghakulongosora Baibolo yiŵenge mphingo yayi kwa imwe. Para mukusambira chilato chinu chiŵenge kukuzga chitemwa chinu pa Yehova na Mazgu ghake. Kusambira kwa nthena nkhwachandulo kweniso kwakunozga.—Salimo 16:11.
Fundo yakovwira: Kuti musangenge chandulo na ivyo mukusambira, yezgani kusanga malo ghambura chiwawa agho mungatimbanizgika na chilichose yayi.
Kasi mukukhumbikwira wovwiri wakusazgikira?
Ŵazgani nkhani yakuti:
“Kasi Baibolo Linganovwira Wuli?—Chigaŵa 2: Ivyo Ungachita Kuti Ukondwenge Para Ukuŵazga Baibolo?””
“Kasi Ningachita Wuli Kuti Nileke Kutimbanizgika Para Nkhuchita Chinthu Chinyake?”
Wonelerani vidiyo yakuti:
Chitani dawunilodi:
Lutilirani kulomba kwa Yehova
Lemba lakovwira: “Lekani kwenjerwa na chinthu chilichose, kweni mu vinthu vyose, mu lurombo na maŵeyelero pamoza na kuwonga, madandawuro ghinu ghamanyikwe kwa Chiuta.”—Ŵafilipi 4:6.
Ivyo lemba ili likung’anamura: Chiuta wangayowoya namwe ndipo imwe namwe mungayowoya nayo: Mungategherezga kwa iyo para mukuŵazga Mazgu ghake; mungayowoya nayo para mukulomba. Manyani kuti mu malurombo ghinu mungapempha ivyo mukukhumbikwira na kumuwonga Chiuta chifukwa cha vitumbiko ivyo wamupani.
Ivyo mukwenera kukhazga: Nyengo zinyake mungamba kuwona malurombo ghinu kuti ngakuwerezgawerezga. Mungamba kukayika para Yehova wakupulika nadi panji usange wakukhumba nadi kutegherezga malurombo ghinu.—Salimo 10:1.
Ivyo mungachita: Mungaghanaghanira vinthu ivyo mungalomba pa zuŵa ilo. Para muli pa malo agho mungalomba lurombo lutali yayi, mungachita makora kusanga nyengo iyo mungalombera ivyo mwakhumbanga. Padera pa ivyo mukufipa navyo mtima mungachita makora kughanaghaniraso vyakukhumba vya ŵanji na kuŵalombera.—Ŵafilipi 2:4.
Fundo yakovwira: Para malurombo ghinu ngakuwerezgawerezga, lombani kwa Yehova vya nkhani iyi. Iyo ngwakukhumbisiska chomene kupulika vyose ivyo mukufipa navyo mtima, kusazgapo ivyo mukufipa navyo mtima pa nkhani ya malurombo ghinu.—1 Yohane 5:14.
Kasi mukukhumbikwira wovwiri wakusazgikira?
Ŵazgani nkhani yakuti:
Chitani dawunilodi:
Lutilirani kuphalirako ŵanyinu ivyo mukugomezga
Lemba lakovwira: “Uŵe maso na ivyo ukuchita na kusambizga. . . . usange ukuchita vinthu ivi, ujiponoskenge wekha na awo ŵakukupulika.”—1 Timote 4:16.
Ivyo lemba ili likung’anamura: Usange mukuphalirako ŵanji ivyo mukugomezga chipulikano chinu nacho chikukhora. Para mwachita nthena, mungaponoska maumoyo gha awo ŵakumupulikani kweniso mungaponoska umoyo winu.
Ivyo mukwenera kukhazga: Nyengo zinyake, mungaŵavya khumbo lakuti muphalireko ŵanyinu ivyo mukugomezga. Panji mungaŵa na wofi kuchita nthena chomenechomene ku sukulu.
Ivyo mungachita: Kuzomerezga yayi maghanoghano ghambura kwenelera, nga ni wofi, kuti vimutondeskani kuchita ivyo mukukhumba. Mpositole Paulosi wakalemba kuti: “Kweni usange nkhuchichizgika waka [kupharazga makani ghawemi], vilije kanthu, uteŵeti uli kuŵikizgika kwa ine.”—1 Ŵakorinte 9:16, 17.
Fundo yakovwira: Mwakuzomerezgeka na ŵapapi ŵinu, sangani munthu munyake uyo wangamovwirani. Wakwenera kuŵa Kaboni uyo ntchiyelezgero chiwemi mu uteŵeti.—Zintharika 27:17.
Kasi mukukhumbikwira wovwiri wakusazgikira?
Ŵazgani nkhani yakuti:
“N’chifukwa Chiyani Ndimaopa Kuuza Ena za Chikhulupiriro Changa?
Lutilirani kusangikapo pa maungano gha Chikhristu
Lemba lakovwira: “Tiyeni tighanaghaniranenge na kuchiskana kuti titemwanenge na kuchita milimo yiwemi. Tingalekanga yayi kuwungana pamoza.”—Ŵahebere 10:24, 25.
Ivyo lemba ili likung’anamura: Chilato chikuru icho tikulutira ku maungano ntchakuti tikasope Yehova. Kweni paliso vinthu vinyake viwemi viŵiri ivyo vikuchitika para tikusangikapo pa maungano. Chakwamba, mukukhozgeka na ŵabali kweniso ŵadumbu. Chachiŵiri, namweso mukuŵakhozga para mwasangikapo na kutoramo chigaŵa mu maungano panji kuzgorapo.—Ŵaroma 1:11, 12.
Ivyo mukwenera kukhazga: Nyengo zinyake, para muli pa maungano mungamba kughanaghana vinyake. Ivi vingapangiska kuti muleke kutorapo kanthu pa vinthu vyakuzirwa ivyo mukusambizgika panjiso mungaleka kusangikapo pa maungano ghose. Vingaŵa nthena chifukwa cha kuŵikapo mtima pa vinthu vinyake nga ni sukulu ndipo vingamusuzgani kuti musangikepo pa maungano.
Ivyo mungachita: Uku mukuchita vya sukulu ŵikanipo mtima kuti musangenge nyengo yakuti muwunganenge mwakukhazikika, ndipo jiŵikirani chilato chakuti musangenge nagho chandulo maungano. Mungachitaso makora kuti muzgorengepo. Pamanyuma pa maungano, wongani munthu yumoza chifukwa cha chigaŵa icho wanguchita panji chifukwa cha zgoro lake liwemi.
Fundo yakovwira: Nozgekerani pambere mundalute ku maungano. Pangani dawunilodi JW Library® app, ndipo gwiliskirani ntchito kachigaŵa kakuti “Meetings” kuti muwone ivyo mwamusambira pa ungano uliwose.
Kasi mukukhumbikwira wovwiri wakusazgikira?
Ŵazgani nkhani yakuti:
“N’chifukwa Chiyani Ndiyenera Kumapita ku Misonkhano ya Mpingo?”