4:10-15

Mozesi wakaleka kopa chifukwa chakuti Yehova wakamovwiranga. Kasi tingasambirapo vichi pa umo Yehova wakachitira na Mozesi?

• Tikwenera yayi kuŵika maghanoghano ghithu pa ivyo tikutondeka

• Tikwenera kuŵa na chigomezgo chose kuti Yehova watipenge chilichose icho chikukhumbikwa kuti tifiske uteŵeti withu

• Para tili na chipulikano mwa Chiuta tiwopenge yayi ŵanthu

Pakwamba Mozesi wakakayikanga usange wangakwaniska mulimo uwo Yehova wakamupa. (Ek 4:10, 13) Kasi namwe muli kujipulikapo nthena? Kasi mukusambira Baibolo na Ŵakaboni ŵa Yehova? Kasi mukukayika usange mungakwaniska kupharazga nyumba na nyumba? Panji ndimwe mwana ndipo mukuchita wofi kupharazgira ŵanyinu ku sukulu. Panji mungaŵa kuti mukuchita wofi kupharazga ku malo uko kukusangika ŵanthu ŵanandi panji kupharazga pa telefoni. Pemphani Yehova kuti wamupani mzimu utuŵa. (1Pe 4:11) Ŵani na chigomezgo chose kuti wamovwiraninge pa uteŵeti uliwose uwo wangamupani.—Ek 4:11, 12.