LAYIBULARE YA PA INTANETI ya Watchtower

Kasi Mukuzirwiska Umoyo nga Umo Chiuta Wakuchitira?

“Mujisungilire mu Chitemwa cha Chiuta”
- 5, 6. Kasi dango ilo Chiuta wakapeleka kwizira mwa Mozesi likalongora wuli kuti ndopa ni zakupatulika ndiposo zakuzirwa? (Wonaniso bokosi lakuti Chindikani Umoyo wa Nyama.)
  
  ⁵ Dango ilo Chiuta wakapeleka kwizira mwa Mozesi nalo likalongora fundo yakuzirwa iyi. Lemba la Levitiko 17:10, 11 likuti: “Usange munthu . . . wakurya ndopa za mtundu uliwose, chisko chane chimikanenge nayo munthu uyo wakurya ndopa, ndipo nimudumulengeko ku ŵanthu ŵakwake. Umoyo wa chamoyo chilichose uli mu ndopa, ndipo namupani izo pa jotchero kuphepiskira umoyo winu, pakuti ndopa ndizo zikuphepiska, chifukwa ndimo muli umoyo.”a—Wonani bokosi lakuti “Nkhongono za Ndopa Zakuphepiskira.”
  
  NKHONGONO ZA NDOPA ZAKUPHEPISKIRA
  
  Mu Mazgu gha Chiuta, ndopa zikuyana waka na umoyo. Lekani kale mu Israyeli, munthu wakwananga uyo wapera wakapelekanga sembe ya nyama pa jotchero la Chiuta, chifukwa cha kuswa malango gha Yehova. (Levitiko 4:27-31) Sembe iyi yikaŵa yakuphepiskira zakwananga zake, kweni pa nyengo yichoko waka.
  
  Mu Baibolo, lizgu lakuti ‘kuphepiska’ likung’anamura “kusinthiska” panji “kubenekelera.” Vili nga ntchibenekelero chakwenelera chakujalira pa kontena. Kweni palije nyama iyo “yingabenekelera” fikepo, panji kuphepiska zakwananga za ŵanthu. Ndipouli, sembe za nyama zikaŵa muzgezge wa sembe yakufikapo ya mphepeska iyo yikenera kuzakapelekeka.—Ŵahebere 10:1, 4.
  
  Mphepeska iyi yikapelekeka “na sembe ya thupi la Yesu Khristu ilo likapelekeka kamoza pera.” (Ŵahebere 10:10) Umoyo wakufikapo wa Khristu, uwo ukwimilirika na “ndopa [zake] zakuzirwa, nga ni ndopa za mwana wa mberere wambura kalema ndiposo wambura kabanga,” ukayana ndendende na umoyo uwo Adamu wakataya. (1 Petrosi 1:19) Ntheura, urunji ukafiskika mu nthowa yiwemi kweniso yachitemwa, ndipo chikaŵa chamachitiko kwa ise kuti ‘tiwombokwe kwamuyirayira.’—Ŵahebere 9:11, 12; Yohane 3:16; Chivumbuzi 7:14.

Kasi Mukuzirwiska Umoyo nga Umo Chiuta Wakuchitira?

“Mujisungilire mu Chitemwa cha Chiuta”
- a Pakuyowoyapo pa mazgu gha Chiuta ghakuti, “umoyo wa chamoyo chilichose uli mu ndopa,” magazini yinyake yikati: “Nangauli ndopa zikuyelezgereka waka kuti zikwimira umoyo, kweni uwu mbunenesko: selo lililose ilo lili mu ndopa ndakukhumbikwa kuti munthu waŵe wamoyo.”—Scientific American.