• Kufuma ku Egupto Kuya ku Caru ca Layizgano
    ‘Wonani Caru Ciweme’

    • Pamanyuma pake, Moses wakenda na Ŵaisrayeli kumwera, na kuzenga misasa pa Phiri la Sinayi. Pa phiri ili, ŵantu ŵa Ciuta ŵakapokera Marango, kuzenga likasa, na kupereka sembe. Mu cirimika caciŵiri, ŵakanjilira kumpoto ndipo ŵakenda mu “mapopa . . . ghakuru na ghakofya,” kuruta ku Kadeshi (Kadesh-barnea), ulendo uwo ukaŵatolera pafupifupi mazuŵa 11. (Dute. 1:1, 2, 19; 8:15) Cifukwa ca kuŵa na wofi na lipoti ilo mphaci 10 zikiza nalo, ŵantu ŵakendendeka waka kwa virimika 38. (Maŵa. 13:1–14:34) Malo ghanyake agho ŵakapumurapo ni Abrona na Ezion-geber, ndipo ŵakaweleraso ku Kadeshi.—Maŵa. 33:33-36.