11, 12. Kasi ŵanthu ŵa Ciuta ŵakucita wuli na usambazi wawo wakuthupi?

¹¹ Ŵanthu ŵa Ciuta, ŵakuphakazgika ndiposo ŵa “mzinda ukuru” ŵacita mwawanangwa comene na usambazi wawo wakuthupi. Salmo 112:9 likuti: “Wagaŵagaŵa, wakaŵapa ŵakavu.” Ŵakhristu ŵaunenesko ŵakovwira ŵasopi ŵanyawo ndiposo ŵazengezgani ŵawo awo ŵali mu suzgo. Ŵakupeleka ndalama zawo mwakuti zovwire para kwacitika masoka. Nga ni umo Yesu wakalongolera, ŵakuŵa ŵakukondwa cifukwa ca kucita nthena.—Ŵazgani Milimo. 20:35; 2 Ŵakorinte 9:7.

¹² Ghanaghanirani unandi wa ndalama izo zikukhumbikwa pa kusindikizga magazini iyi mu viyowoyero 172. Vinandi mwa viyowoyero ivi vikuyowoyeka na ŵanthu ŵakavu. Ghanaghaniraniso, magazini agha ghakusindikizgikaso mu viyowoyero vyakupambanapambana vya ŵambuwu ndiposo ŵambura maso.

‘Kutumphuskika na Ulemu’

17. Kasi murunji ‘wazamutumphuskika’ wuli “na ulemu”?

¹⁷ Cizamuŵa cinthu cakukondweska comene kuzakalumba Yehova mwakukolerana kwambura kususkika na Dyabulosi ndiposo ŵanthu ŵake. Ŵarunji wose ŵazamulutilira kukondwa. Ŵazamuthereskeka na kukhozgeka soni yayi, cifukwa Yehova wali kulayizga kuti “lusengwe” lwa ŵarunji “lukutumphuskika na ulemu.” (Sal. 112:9) Munthu uyo Ciuta wakumuwona kuŵa murunji wazamukondwa pakuwona umo ŵalwani ŵa Ufumu wa Yehova ŵazamuthereskekera.