• Kasi Tingachita Wuli Kuti Tisankhenge Vinthu Mwamahara?
    Mungakondwa na Umoyo Kwamuyirayira!—Kusambira Baibolo Mwakudumbiskana

    • 5. Muchindikenge njuŵi za ŵanyinu

      Ŵanthu ŵakusankha vinthu mwakupambana. Kasi tingalongora wuli kuti tikuchindika njuŵi za ŵanyithu? Wonani viyelezgero viŵiri ivi:

      Chiyelezgero chakwamba: Mudumbu uyo wakutemwa kuphoda wasamira mu mpingo unyake uwo ŵadumbu ŵanandi ŵakukondwa yayi para ŵawona munthu waphoda.

      Ŵazgani Ŵaroma 15:1 na 1 Ŵakorinte 10:23, 24, kufuma apo dumbiskanani mafumbo agha:

      • Kuyana na malemba agha, kasi mudumbu uyu wangasankha vichi? Kasi mungachita wuli para munyake njuŵi yake yikumukanizga kuchita vinthu ivyo njuŵi yinu yikumuzomerezgani?

      Chiyelezgero chachiŵiri: Mubali wakumanya kuti Baibolo likukanizga yayi kumwa moŵa, kweni iyo wasankha kuleka waka kumwa. Ŵanyake ŵamuchema ku ntchezgo ndipo wakuwona kuti ŵabali ŵanyake ŵakumwa moŵa.

      Ŵazgani Mupharazgi 7:16 na Ŵaroma 14:1, 10, kufuma apo dumbiskanani mafumbo agha:

      • Kuyana na malemba agha, kasi mubali uyu wangasankha vichi? Kasi mungachita wuli para mwawona munyinu wakuchita vinthu ivyo njuŵi yinu yikumukanizgani?

      Kasi ni vinthu wuli ivyo vingamovwirani kuti musankhenge vinthu mwamahara?

      Mwanakazi wakulomba.

      1. Lombani Yehova kuti wamovwirani kusankha chakuchita.—Yakobe 1:5.

      Mwanakazi wakufufuza nkhani mu mabuku ghakulongosora Baibolo kweniso pa kompyuta.

      2. Fufuzani mu Baibolo na mu mabuku ghakulongosora Baibolo kuti musange fundo izo zingamovwirani. Nyengo zinyake mungafumba Ŵakhristu ŵakukhwima mwauzimu.

      Mwanakazi wakughanaghanirapo.

      3. Ghanaghanirani umo vyakusankha vinu vikhwaskirenge njuŵi yinu kweniso za ŵanyinu.