-
Wakasambirapo pa Ivyo WakabudaYezgani Chipulikano Chawo
-
-
12. (a) Chifukwa wuli tikwenera yayi kuchimbilira kumususka Yona chifukwa chakuti wakagona apo chimphepo chikaŵa mukati? (Wonaniso mazgu ghamusi.) (b) Kasi Yehova wakavumbura wuli icho chikambiska soka lira?
12 Yona wakawona kuti palije icho wangachitapo, ntheura wakanjira mukati chomene mwa ngalaŵa, wakasanga malo na kugona. Wakagona tulo phwefu!b Mulongozgi wa ŵakwendeska ngalaŵa wakamusanga Yona, ndipo wakamuwuska na kumuphalira kuti nayo walombe kwa chiuta wake, nga umo ŵanyake wose ŵakachitiranga. Ŵanthu ŵara ŵakawona kuti chimphepo chira chikiza chekha yayi, ntheura ŵakachita mphenduzga kuti ŵamanye munthu uyo wakaŵachemera soka. Yona mtima ukwenera kuti ukakhabuka apo ŵanthu ŵara ŵakachitanga mphenduzga. Nakalinga unenesko ukamanyikwa. Yehova wakachitiska kuti mphenduzga yiwire pa Yona, ndipo vikamanyikwa kuti ndiyo wakatuma chimphepo chira chifukwa Yona wakaleka kumupulikira.—Ŵerengani Yona 1:5-7.
-
-
Wakasambirapo pa Ivyo WakabudaYezgani Chipulikano Chawo
-
-
b Baibolo la Septuagint likuti Yona wakagona chomene na chinkhonono tililiri! Kweni tileke kuchimbilira kuti Yona wakapwelelerangako yayi vya ŵanyake chifukwa chakuti wakagona. Ŵanthu ŵanyake para ŵali na chitima chomene ndipo ŵakugona chomene. Apo Yesu wakaŵa mu munda wa Getisemane, Petrosi, Yakobe, na Yohane ŵakagonanga “chifukwa cha chitima.”—Luka 22:45.
-