19, 20. Ncivici cikacitikira Ŵayuda awo ŵakagomezganga Yehova?

¹⁹ Ndipouli, cilindizga ca awo ŵakugomezga Yehova ncawaka yayi. Yehova ngwakugomezgeka pa phangano ilo wali kupangana na Abrahamu na Davide. Wakulengera lusungu ŵantu ŵa nga ni Mika awo ŵakumutemwa, awo ŵakudandaura cifukwa cakuti ŵantu ŵakwawo ŵamureka Ciuta. Cifukwa ca ŵantu ŵakunyoroka, Ciuta wazamuŵawezga kukwawo ŵantu aŵa mu nyengo yake yakwenelera.

²⁰ Ici cikucitika mu 537 B.C.E. pamanyuma pakuti Babulone wabwanganduka, ndipo Ŵayuda ŵakugomezgeka ŵakuwelera kukwawo. Pa nyengo iyo, mazgu gha Mika 2:12 ghakufiskika kakwamba. Yehova wakuti: ‘Nadi ndimuwunjikeni imwe mose, A Yakobe, ndiwunganye nadi ŵakukhalako ŵa Israyeli; ndiŵaŵike pamoza nga ndi mberere mu lukutu (ciŵaya), nga ndi mskambo mu luhari lwake, ŵantu ŵanandi ŵakupoma.’ Yehova ngwacitemwa nadi. Pamanyuma pa kulanga ŵantu ŵake, wakuzomerezga awo mbakugomezgeka kuwelera kukwawo na kumuteŵetera mu caru ico wakapa ŵasekuru ŵawo.

22. Ni magulu ghaŵiri nga agho ghaŵika cilindizga cawo mu Ufumu wa Ciuta?

²² Mu 1919, Ŵakristu ŵakuphakazgika ŵakafumako na kulekerathu kukolerana na visopo vya caru ndipo ŵakamba kupharazga makani ghaweme gha Ufumu ku mitundu yose. (Mateyu 24:14) Cakwamba, ŵakawunjika ŵakukhalira Ŵaisrayeli ŵauzimu. Pamanyuma pake ŵakamba kuwunjika “mberere zinyake,” ndipo magulu ghaŵiri agha ghakupanga “mskambo umoza, muliska yumoza.” (Yohane 10:16) Nangauli sono ŵakuteŵetera Ciuta mu vyaru 234, kweni ŵateŵeti wose aŵa ŵa Ciuta ŵawunjikika nadi “pamoza.” Pasono, ciŵaya ca mberere cili na “ŵantu ŵanandi ŵakupoma”—ŵanarumi, ŵanakazi, na ŵana. Ŵantu aŵa kuti ŵaŵika cilindizga cawo mu caru ciheni ici yayi, kweni mu Ufumu wa Ciuta, uwo sono-sono apa uzgorenge caru capasi kuŵa paradiso.