• “Khristu Ni Nkhongono za Chiuta”
    Sendelerani kwa Yehova

    • 18-20. (a) Kasi ntchivichi icho chikapangiskanga Yesu kugwiliskira ntchito nkhongono zake mwakwenelera? (b) Kasi mukujipulika wuli na umo Yesu wakachizgira mwanalume wakumangwa makutu?

      18 Yesu wakapambananga chomene na ŵawusi awo ŵakugwiliskira ntchito nkhongono zawo kwambura kughanaghanira vyakusoŵerwa kweniso masuzgo gha ŵanji. Yesu wakaghanaghaniranga ŵanthu. Iyo wakakhwaskikanga chomene para wawona ŵanthu ŵakusuzgika mwakuti wakachitangapo kanthu kuti wamazge masuzgo ghawo. (Mateyu:14:14) Wakaghanaghaniranga umo iwo ŵakajipulikiranga na vyakusoŵa vyawo, ndipo lusungu ulu ndilo likamupangiska kugwiliskira ntchito nkhongono zake mwakwenelera. Chiyelezgero chiwemi cha nkhani iyi chili pa Mariko 7:31-37.

      19 Pa chakuchitika ichi, mizinda yikuru yikiza kwa Yesu na ŵalwari ŵanandi, ndipo wose wakaŵachizga. (Mateyu 15:29, 30) Kweni Yesu wakasankhapo mwanalume yumoza kuti wamovwire mwapadera. Mwanalume uyu wakaŵa wakumangwa makutu ndiposo wachikwikwi. Yesu wakwenera kuti wakamanya kuti mwanalume uyu wakaŵa wawofi kweniso wasoni. Ntheura wakachita vinthu mwamahara chomene, wakatolera mwanalume uyu pamphepete, patali na wumba, pa malo gha ŵekha. Pamanyuma Yesu wakayowoya nayo na mawoko kuti wamuphalire ivyo wakakhumbanga kuchita. “Wakanjizga minwe yake mu makutu gha munthu yura, ndipo wakati wathunya mata, wakamukhwaska pa lulimi.”c (Mariko 7:33) Kufuma apo, wakalaŵiska kuchanya na kulomba. Apa vikaŵa nga Yesu wakuphalira mwanalume uyu kuti, ‘Ivyo nikuchitirenge vichitikenge mu nkhongono ya Chiuta.’ Paumaliro Yesu wakati: “Julika.” (Mariko 7:34) Nyengo yeneyiyo, mwanalume uyu wakamba kupulika na kuyowoya makora.

  • “Khristu Ni Nkhongono za Chiuta”
    Sendelerani kwa Yehova

    • c Kufunya mata chikaŵa chimanyikwiro panji nthowa ya kuchizgira matenda iyo yikaŵa yakuzomerezgeka na Ŵayuda ndiposo Ŵamitundu, ndipo kugwiliskira ntchito mata pakuchizga kuli kulembeka mu mabuku gha Chiarabu. Yesu wakwenera kuti wakafunya mata kuti walongore waka mwanalume yura kuti wakukhumba kumuchizga. Mulimose umo vikaŵira, Yesu wakagwiliskira ntchito mata nga ni munkhwala yayi.