• Nkhongono za Kuwezgerapo Vinthu—Yehova ‘Wakupanga Vinthu Vyose Kuŵa Viphya’
    Sendelerani kwa Yehova

    • 3. Kasi ntchilindizga wuli chakupembuzga icho chili pa Milimo 3:21, ndipo kasi Yehova wazamugwiliskira ntchito vichi kuti wafiske chilindizga ichi?

      3 Ntchakupembuzga chomene kusambira na kumanya za nkhongono za Yehova za kuwezgerapo vinthu! Nga umo tiwonerenge, pali vinthu vinandi ivyo Chiuta wazamuwezgerapo ku ŵana ŵake ŵa pa charu chapasi. Nakuti Baibolo likulongora kuti Yehova wali na chilato cha ‘kuwezgerapo vinthu vyose.’ (Milimo 3:21) Kuti wafiske khumbo lake, Yehova wazamugwiliskira ntchito Ufumu uwo wakuwusa ni Mesiya, Mwana wake, Yesu Khristu. Ukaboni ukulongora kuti Ufumu uwu ukamba kuwusa kuchanya mu 1914.a (Mateyu 24:3-14) Kasi Yehova wazamuwezgerapo vichi? Tiyeni tidumbiskane vinyake mwa vinthu vikuru ivyo Yehova wazamuwezgerapo. Chimoza mwa vinthu ivi chikuchitika sono mwakuti tikuchiwona na maso ghithu. Vinyake vizamuchitika kunthazi.

  • Nkhongono za Kuwezgerapo Vinthu—Yehova ‘Wakupanga Vinthu Vyose Kuŵa Viphya’
    Sendelerani kwa Yehova

    • a ‘Nyengo za kuwezgerapo vinthu vyose’ zikamba apo Ufumu uwo wakuwusa ni Mesiya ukakhazikika pa nyengo iyo muhaliri wa Davide, Themba lakugomezgeka, likaŵikika pa chitengo cha ufumu. Yehova wakalayizga Davide kuti muhaliri wakufumira mu mphapu yake wazamuwusa kwamuyirayira. (Salimo 89:35-37) Kweni Yerusalemu wakati wabwangandulika na Babuloni mu 607 B.C.E., palije munthu wa mu mphapu ya Davide uyo wakakhala pa chitengo cha ufumu wa Chiuta. Yesu, uyo wakababika pa charu chapasi nga ni muhaliri wa Davide, wakaŵa Themba ilo likalayizgika apo wakakhala pa chitengo cha ufumu kuchanya.