LAYIBULARE YA PA INTANETI ya Watchtower

“Kuzuzgika na Mzimu Utuŵa . . . na Chimwemwe”

“Kuchitira Ukaboni Mwakukwana vya Ufumu wa Chiuta”
- 10. Longosorani umo ulendo wakufuma ku Perega kuluta ku Antiyoke wa ku Pisidiya ukaŵira.
  
  ¹⁰ Ŵakati ŵafika pa Perega, Yohane Mariko wakaleka Paulosi na Baranaba na kuwelera ku Yerusalemu. Chifukwa icho wakawelelera chikumanyikwa yayi. Paulosi na Baranaba ŵakalutilira, ŵakenda kufuma ku Perega m’paka ku Antiyoke wa ku Pisidiya, msumba uwo ukaŵa mu chigaŵa cha Galatiya. Uwu ukaŵa ulendo upusu yayi, chifukwa Antiyoke wa ku Pisidiya wakaŵa pachanya pa mapiri (mamita 1,100 kufuma mu nyanja.) Nthowa zakujumpha mu mapiri zikaŵanga na ŵankhungu ŵanandi. Kusazgirapo pa suzgo ili, vikulongora kuti pa nyengo yeneyiyi Paulosi wakalwara.h

“Kuzuzgika na Mzimu Utuŵa . . . na Chimwemwe”

“Kuchitira Ukaboni Mwakukwana vya Ufumu wa Chiuta”
- h Kalata ya Paulosi ku Ŵagalatiya yikalembeka pati pajumpha vyaka vinandi. Mu kalata iyi, Paulosi wakalemba kuti: “Nyengo yakwamba nkhapharazga makani ghawemi kwa imwe chifukwa chakuti nkhalwara.”—Gal. 4:13.