Kwambira mu Seputembala, mu kabuku ka Uteŵeti na Umoyo Wachikhristu, pa chigaŵa chakuti Umo Mungapharazgira, paŵengeso chigaŵa chinyake chakuti “Sambizgani Unenesko.” Chilato chithu ntchakuti tiphalire munthu unenesko wa mu Baibolo munthowa yipusu, mwa kumufumba fumbo na kumuŵazgira lemba.

Para tawona kuti munthu wakukhumba kumanya vinandi, tingamulekera buku panji chakugaŵira chinyake, panyake tingamulongora vidiyo ya pa jw.org mwakuti tijure mwaŵi wakuti tikawereso. Tikwenera kuyezgeska kuti tiwelerengeko luŵiro kuti tikalutizge kudumbirana apo tikalekerana. Chigaŵa chiphya ichi kweniso nkhani za ŵasambiri zizamufumanga pa fundo zakudumura mu buku la Kasi Baibolo Likutisambizga Vichi? Pa chigaŵa ichi paliso mafumbo na malemba ghanyake agho ghangatovwira pa ulendo wakuwelerako panji pakusambizga munthu na Baibolo pera.

Pali nthowa yimoza pera iyo yikulongozgera ku umoyo. (Mt 7:13, 14) Pakuti tikupharazgira ŵanthu ŵakupambanapambana kweniso ŵavisopa vyakupambanapambana tikwenera kusintha upharazgi withu kuti tiŵafikenge pa mtima ŵanthu aŵa. (1Ti 2:4) Para tazgoŵera kuyowoya na ŵanthu nkhani za mu Baibolo, ndipo tikuchita “mwakwenelera na mazgu gha unenesko,” tiŵenge ŵakukondwa chomene kweniso tisambizgenge makora ŵanthu unenesko.—2Ti 2:15.

Pa charu chose, ŵanthu ŵakukhumbikwira chisangulusko. (Muph. 4:1) Mu mwezi wa Seputembala tizamuŵa na upharazgi wapadera. Tizamugaŵira Gongwe la Mulinda ilo muzamuŵa nkhani ya chisangulusko. Muzakagaŵire chomene magazini iyi. Kweni pakuti tikukhumba kuyowoya na ŵanthu kuti tiŵapembuzge, kunjizga kusi ku chijaro yayi para mwasanga ŵanthu palije pa nyumba.

IVYO MUNGAYOWOYA

“Tose nyengo zinyake tikukhumbikwira chisangulusko. Kweni kasi tingachisanga nkhu? [Ŵerengani 2 Ŵakorinte 1:3, 4.] Magazini ya Gongwe la Mulinda iyi yikulongosora umo Chiuta wakupelekera chisangulusko.”

Para munthu wanweka ndipo wapoka magazini, . . .

Kufuma apo, mupemphani kuti musambirenge nayo Baibolo.

Mulekerani fumbo lakuti muzakazgore para mwizaso. Mungamufumba kuti, “Chifukwa wuli Chiuta wakughalaŵiska waka masuzgo?”