Mboniwoni Yakukhozga Chipulikano

9:1-7

Pa nyengo iyo Yesu wakasintha mawonekero, wakwenera kuti wakakondwa chomene kupulika mazgu gha Awiske kufuma kuchanya. Iwo ŵakati ŵakukondwa nayo. Mwambura kukayika wakasanga nkhongono izo zikamovwira kunozgekera suzgo ilo wakaŵa pafupi kukumana nalo. Mboniwoni iyi ukaŵa ukaboni wakukwana kwa Petrosi, Yakobe, na Yohane kuti Yesu ni Mesiya, ndiposo kuti ŵakachitanga makora kumupulikira. Pakati pajumpha vyaka 32, Petrosi wakaŵa kuti wachali kukumbuka umo wakakhozgekera na “mazgu gha uchimi.”—2Pe 1:16-19.

Nangauli tikayiwona yayi mboniwoni iyi kweni tili na ukaboni kuti yikufiskika. Yesu wakuwusa nga ni Themba lankhongono. Sonosono apa, ‘wamalizgenge kuthereska kwake,’ ndipo pa charu paŵenge urunji.—Chiv 6:2.

Kasi mwakhozgeka wuli kuwona kuti mauchimi gha mu Baibolo ghakufiskika?