Malurombo Ghithu Ngakuzirwa kwa Yehova

Malurombo ghakuzomerezgeka ghali nga ni vyakununkhira ivyo kanandi vikawotchekanga panthazi pa Yehova pa tempile. (Sa 141:2) Para tikulongora kuti tikuŵatemwa Adada ŵithu ŵakuchanya na kuŵawonga, kuŵaphalira vyenjezgo vithu na ivyo tikukhumbikwira kweniso kupempha kuti ŵatilongozge, mbwenu tilongorenge kuti tikuzirwiska chomene ubwezi withu na iwo. Yehova wakuwona malurombo ghithu ghafupi gha pa maungano kuŵa ghakuzirwa chomene kweniso wakuwona kuti ntchigaŵa cha kusopa kwithu. Nangauli vili nthena, panyengo iyo tikulomba patekha kwali kungaŵa kwa nyengo yitali, Yehova wakwenera kuti wakukondwa chomene para tikuyowoya maghanoghano ghithu kweniso umo tikujipulikira.—Zi 15:8.

WONELERANI VIDIYO YA MUTU WAKUTI, NYENGO ZOSE NKHUTEMWA KULOMBA, NDIPO PAMANYUMA ZGORANI MAFUMBO GHAKULONDEZGAPO AGHA:

• Kasi ni mauteŵeti wuli agho Mubali Johnson wali kuchitapo?

• Kasi Mubali Johnson wakalongora wuli kuti wakugomezga Yehova pa nkhani ya lurombo?

• Kasi mwasambirako vichi ku ivyo vikachitikira Mubali Johnson?