Ivyo Mungachita Kuti Mulutilire Kugomezga Kuti Yehova Wangamuthaskani

Ŵazgani Maŵazgo 13:25–14:4 kuti muwone umo Ŵaisrayeli ŵakaŵavyira chigomezgo mwa Yehova.

Sandani makora nkhani yose. Chifukwa wuli Ŵaisrayeli ŵakeneranga kugomezga kuti Yehova waŵathaskenge apo ŵakafumanga mu Eguputo? (Sal. 78:12-16, 43-53) Ntchivichi chikaŵapangiska kuti ŵaleke kugomezga Yehova? (Doto. 1:26-28) Kasi Joshuwa na Kalebi ŵakalongora wuli kuti ŵakagomezganga Yehova?—Maŵa. 14:6-9.

Fufuzani kuti mumanye vinandi. Kasi Ŵaisrayeli ŵakeneranga kuchita vichi kuti ŵamugomezgenge chomene Yehova? (Sal. 9:10; 22:4; 78:11) Kasi pali kukolerana wuli pakati pa kugomezga Yehova na kumuchindika?—Maŵa. 14:11.

Wonani ivyo mukusambirapo. Jifumbani kuti:

• ‘Kasi ni vyakuchitika wuli ivyo vinganiyezga usange nkhumugomezga chomene Yehova?’

• ‘Kasi ningachita wuli kuti nimugomezgenge chomene Yehova sono kweniso munthazi?’

• ‘Kasi nili na chigomezgo wuli apo suzgo yikuru yikusendelera?’—Luka 21:25-28.