Indonesia

IYI ni nkhani yakukondweska chomene yakuyowoya za Ŵakhristu ŵakujiyuyura. Aŵa mbabali na ŵadumbu awo ŵakathera yayi apo ŵakasuzgikanga na ŵandyali, visopa, ndiposo apo ŵaliska ŵakapangiska boma kuti likanizge milimo ya Ŵakaboni ŵa Yehova kwa vyaka 25. Muŵerengenge vya mubali munyake uyo wakaŵa pa mundandanda wa mazina gha ŵanthu awo Chipani chikakhumbanga kukoma. Ndiposo za mulongozgi wa vigeŵenga uyo wakasambira unenesko na kuŵa Mkhristu wakukhwima mwauzimu. Muŵerengenge nkhani yakukondweska yakuyowoya za ŵasungwana ŵaŵiri ŵakumangwa makutu (makutu ghawo ghakupulika yayi) awo ŵakamba kutemwana chomene ndipo pamanyuma ŵakamanyana kuti mphaukuru na pa unung’una. Kweniso muwonenge umo Ŵakaboni ŵa Yehova ŵakupharazgira makani ghawemi mu charu icho chili na Ŵasilamu ŵanandi chomene kuluska charu chilichose.