Malonda gha Vyakunoweskera Vyakurya (Spice)

Mu nyengo yakale, malonda gha vyakunoweskera vyakurya ndigho ghakasambazganga chomene charu nga umo viliri na malonda gha mafuta mazuŵa ghano. Vyakunoweskera vyakurya vyakuchemeka nutmeg na cloves, vikafumanga ku chirwa chakutchuka chomene pa nkhani ya vyakunoweskera vyakurya (uko sono kukucheka ku Maluku na North Maluku ku Indonesia). Vyakunoweskera vyakurya ivi, vikaŵanga vyakudura chomene para vyatumizgika ku Europe.

Christopher Columbus, Vasco da Gama, Ferdinand Magellan, Samuel de Champlain, na Henry Hudson wose ŵakapenja nthowa zakufikira ku malo agha. Ŵanthu ŵakamba kubowozga umo charu chiliri chifukwa cha kupenja vyakunoweskera vyakurya ivyo vili ku Indonesia.