Kasi Ŵakaboni ŵa Yehova Ŵali na Ŵaliska Awo Ŵakupokera Malipiro?

Pakulondezga umo Ŵakhristu ŵakwambilira ŵakachitiranga, Ŵakaboni ŵa Yehova ŵalije ŵaliska awo ŵakupokera malipiro, nesi kumanyikwa na mazina ghapadera. Ŵakaboni ŵa Yehova wose ŵakujipeleka pa ntchito yakupharazga na kusambizga ŵanthu Baibolo. Ŵakuwungana mu mipingo panji kuti magulu ghachokoghachoko agho ghakuŵa na ŵanthu pafupifupi 100. Mpingo uliwose wuli na ŵanalume ŵakugomezgeka awo ŵakuteŵetera nga “ŵalara,” mu mpingo. (Tito 1:5) Ŵalara aŵa ŵakuchita milimo yawo kwambura kulipirika.