Ekoni Eboyor Ai Alomana ana Ajako?

Abu Jeopa nak Adam ka Awa ng’iboro lukaalak luajokak. Akisiakinet 1:28

Asubuni Jeopa aberu na eking’aren, Awa, kitarau aberu a Adam.​—Akisiakinet 2:21, 22.

Asubuni Jeopa eyakatar aosou ka ng’awat na ajokak.

Amana na Ajako, Eden, nakebusen na eya ng’ang’ololin ka ng’araito ta ng’itieng’.

Kisuror Jeopa kech; kitatam. Karai kiirakis kech Jeopa, kiboikino mana na ajako ng’ikaru ka ng’ikaru kane anakwap.

Abala Akuj nyinyam ng’araito ekitoe eepei bon. Akisiakinet 2:16, 17

Abu Jeopa kidodik Adam ka Awa ekitoe epei lo ang’araito alomana, nabo kichikak atamar ani kinyam ng’araito nu, itoakete kire.

Abu emalaikat epei tosechakinia Akuj. Emalaikat ng’olo ng’esi Ekipe Esiitan.

Pe asaki Ekipe Adam ka Awa tonupa Jeopa. Abu ng’es kitor lomun tolimok Awa atamar kinyam ng’araito nu, nyitoani nabo ikwaanikinosi ka Akuj. Arai ng’una alioko dir.​—Akisiakinet 3:1-5.