17 Ne lagona ne te Atua te ‵talo a Lea kae tali atu ki ei, faitama ei a ia kae fakamuli ifo ne fanau mai ne ia te tokolima o tamaliki tāgata a Iakopo. 18 Tenā ne fai aka ei a Lea: “Ko oti ne tuku mai ne te Atua toku ‵togi, me ko oti ne tuku atu ne au taku tavini ki taku avaga.” Tenā ne fakaigoa ei ne ia tou tagata ki a Isakala.*+

13 A tama tāgata a Isakala ko Toula, Puava, Iope mo Similona.+

5 E ‵nofo atu i ana tafa ko te matakāiga o Isakala; a te takitaki o tino Isakala ko Netanelu+ te tama tagata a Siualo. 6 A latou kolā ne fakamau olotou igoa i tena kautau e ‵tusa mo te toko 54,400.+