12 Konei a tupu o fenua kolā ne fakatakavale ne tino Isalaelu, kolā ne puke ne latou olotou laukele i te feitu ki saegala o te Iolitana, mai te Vanu o Alinona+ ke oko ki te Mauga o Helemoni+ mo te Alapaa kātoa i te feitu ki saegala:+ 2 A te Tupu ko Sekono+ mai tino Amoli, telā ne nofo i Hesepono kae ne pule mai i Aloela,+ telā e tu i kaugutu o te Vanu o Alinona,+ e pelā foki mo te kogāloto o te vanu, mo te āfa o Kileata ke oko atu ki te Vanu o Iapoka, te tuakoi o tino Amoni.