13 Tenā ne puke mai ei ne ia mai konā a koloa katoa o te fale o Ieova mo koloa o te fale* o te tupu.+ Ne katikati ne ia ki potumea a meāfale aulo katoa kolā ne faite ne Solomona te tupu o Isalaelu i te faletapu o Ieova,+ e pelā eiloa mo te mea ne folafola mai ne Ieova.

17 Ke mo a ma faka‵logo ki a latou. Tavini atu ki te tupu o Papelonia kae ka tumau koutou i te ola.+ Kaia e ‵tau ei o fakamaseigina te fakai tenei? 18 Kae kafai e fai eiloa a latou e pelā me ne pelofeta kae maua atu foki i a latou a muna a Ieova, fakamolemole fai atu ke fakatagi latou ki a Ieova o kautau ko te mea ke se ave kea‵tea ki Papelonia a te ‵toega o meāfale i te fale o Ieova, i te fale o te tupu o Iuta mo Ielusalema.’