13 Kae ne fakailoa atu faeloa ne Ieova ki Isalaelu mo Iuta e auala i ana pelofeta mo fakaasiga katoa,+ ana muna: “‵Fuli kea‵tea mai otou auala ma‵sei!+ Tausi aku fakatonuga mo aku tulafono fakavae e ‵tusa mo tulafono katoa kolā ne fakatonu atu ne au ki otou tupuga kae ne avatu ne au ki a koutou e auala i aku tavini ko pelofeta.” 14 Ne seki faka‵logo latou, kae ne tumau eiloa latou i te loto ma‵keke e pelā mo olotou tupuga kolā ne seki fakaasi atu te fakatuanaki ki a Ieova te lotou Atua.+

15 A Ieova te Atua o olotou tupuga ne fakamasaua atu faeloa ki a latou i taimi katoa e auala i ana avefekau, ona ko tena alofa atafai ki ana tino mo te fakatāua ne ia o tena koga nofo. 16 Kae ne fakatauemu faeloa latou ki avefekau a te Atua tonu,+ kae fakaseaoga ne latou ana pati+ kae fakaitaita atu ki ana pelofeta,+ ke oko ki te taimi ko kaitaua ei a Ieova ki ana tino,+ mo te taimi ko se mafai ei o fai se faka‵leiga ki a latou.

25 talu mai te aso ne o‵mai ei otou tupuga ki tua mo te fenua o Aikupito ke oko mai ki te aso nei.+ Tenā ne uga atu faeloa ne au aku tavini katoa ko pelofeta ki a koutou, e uga atu latou i aso takitasi i taimi katoa.+ 26 Kae ne ita latou ma faka‵logo mai ki a au, kae ne seki tuku mai olotou taliga.+ I lō te fai penā, ne loto ma‵keke latou, kae ne fai ne latou a faifaiga e sili atu i te ma‵sei i lō olotou tupuga!