• Salamo 15:1-5
    Te Tusi Tapu i te ‵Fuliga o te Lalolagi Fou

    • 15 Ieova, ko oi ka fai mo mālō i tou faleie?

      Ko oi e mafai o nofo i tou mauga tapu?+

       2 Ko te tino telā e sasale e aunoa mo se mea ‵se,+

      E fai ne ia te mea tonu+

      Kae faipati ki te munatonu i tena loto.+

       3 A tena alelo e se gutu fatufatu,+

      E seai se mea masei e fai ne ia ki tena tuakoi,+

      Kae e se fakalogo‵mae ne ia ana taugasoa.+

       4 E ‵teke ne ia so se tino fakatauemu,+

      Kae e fakaaloalo a ia ki a latou kolā e ma‵taku ki a Ieova.

      E fakataunu eiloa ne ia ana tautoga, faitalia me e se ‵lei ki a ia+ a mea konā.

       5 E se fakakaitalafu ne ia ana tupe ke maua te pasene,+

      Kae e se talia ne ia a ‵togi fakakolekole ke ‵teke atu ki te tino e seai sena ‵se.+

      So se tino e fai ne ia a mea konei ka se mafai o malaia.*+

  • Salamo 84:1-4
    Te Tusi Tapu i te ‵Fuliga o te Lalolagi Fou

    • 84 Ko oko eiloa i te gali o tou faleie tapu sili,+

      E Ieova o kautau!

       2 A toku foitino kātoa e olioli malosi,

      Ao, au ko matapo i te manako malosi,

      Ki te koga ateatea o Ieova.+

      A toku loto mo toku foitino e kalaga fiafia ki te Atua ola.

       3 Ke oko ki te manu eva e maua tena fale i konā

      Mo te sualou e maua tena ofaga,

      I te koga e tausi ne ia i ei ana tama

      I tafa o tau fatafaitaulaga sili, e Ieova o kautau,

      Ko toku Tupu telā ko toku Atua!

       4 E fia‵fia a latou kolā e ‵nofo i tou fale!+

      E ‵viki atu faeloa latou ki a koe.+(Selā)