FATATUSI I TE ITANETI a te Faleleoleo Maluga

2 Tupu 17:13, 14

Te Tusi Tapu i te ‵Fuliga o te Lalolagi Fou
- 13 Kae ne fakailoa atu faeloa ne Ieova ki Isalaelu mo Iuta e auala i ana pelofeta mo fakaasiga katoa,+ ana muna: “‵Fuli kea‵tea mai otou auala ma‵sei!+ Tausi aku fakatonuga mo aku tulafono fakavae e ‵tusa mo tulafono katoa kolā ne fakatonu atu ne au ki otou tupuga kae ne avatu ne au ki a koutou e auala i aku tavini ko pelofeta.” 14 Ne seki faka‵logo latou, kae ne tumau eiloa latou i te loto ma‵keke e pelā mo olotou tupuga kolā ne seki fakaasi atu te fakatuanaki ki a Ieova te lotou Atua.+

Hosea 7:10

Te Tusi Tapu i te ‵Fuliga o te Lalolagi Fou
- 10 A te fakamatamata o Isalaelu ko molimau o ‵teke ki a ia,+
  Kae ne seki ‵fuli atu eiloa latou ki a Ieova te lotou Atua,+
  Io me ne ‵sala atu latou ki a ia faitalia a mea katoa konei.

Amosa 4:6

Te Tusi Tapu i te ‵Fuliga o te Lalolagi Fou
- 6 ‘Kae pelā mo au, ne fai ne au otou nifo ke ‵ma i meakai* i otou fakai katoa
  Kae fai ke se lava a meakai i otou fale katoa;+
  Kae ne seki ‵foki mai eiloa koutou ki a au,’+ ko te folafolaga a Ieova.

Amosa 5:6

Te Tusi Tapu i te ‵Fuliga o te Lalolagi Fou
- 6 ‵Sala atu ki a Ieova kae tumau i te ola,+
  Ko te mea ke se puna mai a ia ki tua e pelā me se afi ki te kāiga o Iosefa,
  Ko ‵sunu i ei a Peteli, e aunoa mo se tino ke tamate ne ia te afi.